INTRANET Euskara|Español|English|Français
FONATARI - euskal fonetikaren ataria

euskal fonetikaren ataria

:: Mugak ::


Euskalkien lurralde-banaketa ez dator bat ez banaketa administratiboaz ez eta Piriniotako mendikateak suposatzen duen hesi fisiko eta estatu arteko mugaz ere. Alderantziz baizik, iparraren eta hegoaren artean hizkuntz jarraigoa gertatzen da eta, beraz, isoglosa sortek ekialde mendebalde norabidea jarraitzen dute.

Ondoren eskaintzen den banaketa diatopikoa Bonaparterenetik aterea da. Euskalkiei buruzko ikuspegi osoa kontutan izanik egina da. Trantsizioko eskualdeek, euskalkien arteko topaguneei dagozkie eta beti ere nahasgarriak gertatzen baitira, euskalkiak deskribatzeko balioa isoglosen bitartez baizik ez dute lortzen. Halere, hemen ezartzen diren mugak aski zehatz lotzen dira egungo egoera dialektalari.

· Bizkaiera Bizkaiko lurralde osoa hartzen du, Arabako aldakia gordetzen duten tokiak eta Gipuzkoako mendebaldea, Deba arroa barne.

· Gipuzkera Deba arrotik Bidasoa alderaino, Nafarroako Burunda eta Ergoiena barne direlarik.

· Iparraldeko goinafarrera Gipuzkoan Hondarribitik Errenderiraino sartzen da, Nafarroako iparraldean Baztaneraino hartzen du eta, hegoalderantz, Ultzamaraino.

· Hegoaldeko goinafarrera XIX. mendean euskalki honek lur-eremu handiena hartzen zuen. Gaur egun, Nafarroako ekialdeko Erro eta Esteribar bailaretan irauten du.

· Lapurtera Lapurdin, iparraldean eta ekialdean izan ezik.

· Mendebaldeko behenafarrera Lapurdiko ekialdetik Nafarroa Behereko ekialdera hedatzen da, Nafarroako Aezkoa bailara ere hartzen duelarik.

· Ekialdeko behenafarrera Lapurdiko iparraldea hartzen du, Nafarroa Behereko ekialdea eta Nafarroako Zaraitzuko bailara.

· Zuberera Zuberoako lurraldea. Bere garaian, Erronkariko aldakia ere hartzen zuen azpieuskalki bezala, baina, dagoeneko, azpieuskalki hau galdua da.

 
EUSKARAREN HOTSAK|DOKUMENTU BASEA|AHOSKERAK
Deustuko Unibertsitatea Fonetika Laborategia Bizkaiko Foru Aldundia
:: © FONATARI ::